പട്ടാപ്പകല് യുവതിയെ ആക്രമിക്കാന് ശ്രമം ; തടഞ്ഞ സുഹൃത്തിനെ വെട്ടി
കൊച്ചി : പട്ടാപ്പകല് യുവതിയെ ആക്രമിയ്ക്കാന് ശ്രമം. കഴിഞ്ഞ ദിവസം വൈകീട്ട് 4.30ക്കായിരുന്നു സംഭവം. കേരള സര്വ്വകലാശാലയില് ഗവേഷക വിദ്യാര്ത്ഥിനിയായ അശ്വനിയും കൊച്ചിയിലെ ഐ.ടി കമ്ബനിയില് ജീവനക്കാരനുമായ ശംഭുവും കാക്കനാട് ഇന്ഫോപാര്ക്കിന് സമീപമുളള റോഡിലൂടെ നടന്നു പോവുമ്ബോഴായിരുന്നു ആക്രമണം.
കാറിലെത്തിയ രണ്ടു പേര് അശ്വനിയെ കയറിപ്പിടിക്കാന് ശ്രമിക്കുകയായിരുന്നു.
എതിര്ക്കാന് ശ്രമിച്ചപ്പോള് അശ്വനിയെ സംഘം മര്ദ്
ദിച്ചു. ഇത് കണ്ട് തടയാന് ശ്രമച്ച ശംഭുവിനെയും അക്രമികള് മര്ദ്ദിക്കുകയും കയ്യിലുണ്ടായിരുന്ന കത്തികൊണ്ട് കുത്തി മുറിവേല്പ്പിക്കുയുമായിരുന്നു. റോഡില് ആളുകളുണ്ടായിരുന്നെങ്കിലും ആരും ഇടപെട്ടില്ല. രക്തം വാര്ന്ന് അബോധാവസ്ഥയിലായ ശംഭുവിനെ ആശുപത്രിയിലെത്തിച്ചതും അശ്വനി തനിച്ചായിരുന്നു. അക്രമികള് സഞ്ചരിച്ചിരുന്ന കാറിന്റെ നമ്ബര് വ്യാജമാണെന്ന് പൊലീസ് കണ്ടെത്തിയിട്ടുണ്ട്. പ്രദേശത്തെ സ്ഥാപനങ്ങളിലെ സി.സി.ടി.വി ക്യാമറയില് നിന്നുള്ള ദൃശ്യങ്ങള് പരിശോധിച്ച് പ്രതികളെ കണ്ടെത്താനുള്ള ശ്രമത്തിലാണ് പൊലീസ്. മുന്വൈരാഗ്യമാണോ അക്രമത്തിലേക്ക് നയിച്ചതെന്നും പൊലീസ് അന്വേഷിക്കുന്നുണ്ട്.
No comments:
Post a Comment